Affaire Gabrielle Kane e Cheikh Gadiaga : Ñaawirdu Dakar leeltinii ƴeewtagol ɗaɓɓitaare annulation haa 11 novembre
Ñaawugol dossier Gabrielle Kane e Cheikh Serigne Cheikh Mbacké Gadiaga fuɗɗii ñalawma alarba e tribunal correctionnel Dakar. Kono, ñaawirdu leeltinii ƴeewtagol ɗaɓɓitaare annulation nde avokaaji défense mbaɗi haa ñalawma 11 novembre 2026.
Avokaaji défense kollii wonde sahaa sara'a ena waawi ɓennude
E ko Kawtef humpitiri, avokaaji défense ɗaɓɓitii annulation, tawa ɓe njogii wonde tuumaaji ɗi mbaɗanaa Cheikh Gadiaga ena mbaawi wonde ɗi ɓennii sahaa ɗo sariya yamiri ɗi toppiteede.
Ndee ɗaɓɓitaare faandii ngam yeddude laawol sara'a ngal fuɗɗanaa mo.
E sahaa audience ngal, partie civile e avokaajo mum, Me Abdou Aziz Diop, ngalaa e ñaawirdu.
Parquet yeddii ɗaɓɓitaare défense
E yeeso daliiluji avokaaji défense, ministère public ɗaɓɓitii ñaawirdu ngam nde yeddu ɗaɓɓitaare annulation ndee.
Ñaawirdu suɓii leeltinde ƴeewtagol mum haa 11 novembre 2026, ñalawma nde naamne jowitiiɗe e laawol sara'a ɗee poti jeewteede.
Haa nde audience keso waɗi, ñaawirdu waɗaani tawo hay ñaawoore e dow so laawol sara'a ngal défense yeddii ena foti jokkude walla ala.
Fouta TV - L'information au service des citoyens.
