Enerjiiji kesɗitotooɗi : Senegaal udditii centre de formation ngam golle reentooje taariindi e Dakar
Senegaal waɗii yeesoɓtere hesere e jannginde golle jowitiiɗe e baylugol fannu enerji. Green Energy Training Center (GETC) udditaama ñalawma alarba 28 octobre 2026, e SODIDA, Dakar. Ndee mahre, nde iwri e gollondiral Senegaal e Allemagne, faandii ngam ɓeydude ganndal teknikal sukaaɓe e rewɓe e fannu enerjiiji kesɗitotooɗi e huutoraade enerji e laawol moƴƴol.
Centre ngam hoynude heɓugol golle sukaaɓe
E sahaa udditgol centre oo, Mamadou Camara Fall, secrétaire général ministère de l'Emploi et de la Formation professionnelle et technique, teeŋtinii nafoore janngugol golle e yeesoɓtere ekonomi Senegaal.
O hollii sokla waylude porogaraamji formation ngam ɗi njahdu e soklaaji entrepriseji, ɗum walla sukaaɓe heɓde golle e sosde entrepriseji e fannu golle reentooje taariindi.
Jokkondiral centreji e diiwaanuuji nayo
Ɓaawo centre Dakar, porogaraam oo ena tuggoo e centreji gollondiral nayo ɗi ngoni e Saint-Louis, Ziguinchor, Diourbel e Thiès.
Ndee feere faandii ngam yaajnude heɓugol formation spesialise e ɓeydude ganndal teknikal e diiwaanuuji Senegaal.
E nder faandaaji Agenda national de Transformation Sénégal 2050, GETC ena yiɗi wallude sosgol golle juutɗe e yeesoɓtere ekonomi nde reenata taariindi.
E ndee anniya, Senegaal ena yiɗi waɗde formation professionnelle laawol mawngol ngam baylugol fannu enerji e semmbinde ndimaagu ekonomi sukaaɓe mum.
Fouta TV - L'information au service des citoyens.
