Saint-Louis : Doole kisal e reende leydi kawrii e yahdu commando kilometeer 15
Forces de défense et de sécurité (FDS) njeyii e yahdu commando kilometeer 15 e Saint-Louis, ñalawma alarba 4 novembre 2026. Ndee yahdu waɗiraa e ɗaɓɓitaande komandan Zone militaire n°2, tawa Gendarmerie nationale jaɓɓii nde. Faandaare ko semmbinde gollondiral e jokkondiral hakkunde doole kisal ceertuɗe.
Doole kisal ceertuɗe kawrii
Ndee yahdu renndinii gollotooɓe Armées, Gendarmerie nationale, Police nationale, Brigade nationale des sapeurs-pompiers, Administration pénitentiaire e Eaux et Forêts.
Ɓaawo tampere ɓandu, ndee exercice wallii ɓe njeyii e mum ngam ɓe lollondira humpitooji e ko ɓe ngandii, tee ɓe semmbina jokkondiral hakkunde maɓɓe.
Muñal, teddungal sariyaaji, wallondiral e ruhu ekip ko geɗe ɗe ɓuri teeŋtineede e ndee yahdu, ngam semmbinde musiɗɗinaagu hakkunde doole kisal.
Semmbinde gollondiral e teren
E ko Gendarmerie nationale humpitiri, yahdu ndee waɗii no moƴƴiri, tawa alaa hay caɗeele goote ɗe mbaɗi, e nder weltaare e jokkondiral moƴƴal.
E ndee yahdu, doole kisal e reende leydi ena faandii ɓeydude nanondiral maɓɓe e mbaawka gollondirde, ngam timminde golle maɓɓe e fannu kisal e reende yimɓe.
Fouta TV - L'information au service des citoyens.
