« Baye Niass Day » : Yahdu diine kilometeer 6 ena eɓɓaa asewe oo e Dakar
Édition aranol « Baye Niass Day » maa waɗe ñalawma alat 8 novembre 2026 e Dakar. Ndee ñalnde eɓɓaama ngam teddinde Cheikh Ibrahima Niass, gooto e mawɓe Tidjaniya. Nde maa waɗir yahdu diine kilometeer jeegom, wondude e du'aaji, zikr e golle humpitinde yimɓe.
Ñalnde ngam teddinde ko Baye Niass acci
E konferaas pres nde waɗaa ñalawma juma 6 novembre, e Maison de la culture Douta Seck, komite eɓɓiiɗo ndee sirla hollii faandaaji édition aranol ngal.
E ko hooreejo mum, Cheikh Fall, holli, faandaare ndee sirla ko teddinde golle diine e janngingol ɗe Baye Niass waɗi, tawa ganndal e jannginooje mum njottinee sukaaɓe jamaanu keso.
« Ndee ñalnde ko ñalnde yettugol e hollugol weltaare men e Mawlana Cheikh Ibrahima », ko ɗum o haaldii.
Yahdu wondude e du'aaji e reentinagol
Yahdu kilometeer 6 oo maa rew e laabi ceertuɗi e Dakar, tawa dartugol maa waɗe e nokkuuje yoga ngam du'aaji, zikr e jeewte e dow jikku e njariya diine.
Ɓe eɓɓii sirla ndee ena ɗamini kadi jeewte e dow caɗeele ɗe sukaaɓe pottotoo e majje, ɗoon e huutoraade drogue, bonanɗe e haɓre.
Cheikh Fall teeŋtinii nafoore tarbiya, ko woni janngingol e neɗɗingol diine, wondude e kulol Alla, goongaagu, golle e wallondiral.
E ndee sirla, eɓɓiiɓe ena yiɗi semmbinde taalibeeɓe ngam ɓe njokku jannginooje Cheikh Ibrahima Niass e jikku maɓɓe kala ñalawma, e no ɓe njokkondirta e yimɓe renndo.
Fouta TV - L'information au service des citoyens.
