JOJ Dakar 2026 : Cheikh Bara Ndiaye yeddii ŋakkere invitation resmiijo ngam Ousmane Sonko
Depitee Cheikh Bara Ndiaye yeddii no invitationji sirla resmiijo Jeux olympiques de la jeunesse (JOJ) Dakar 2026 ɗowirtee. E ɓataake mo o inniri « La République à terre ! », o tuumii Président Bassirou Diomaye Faye e seerndugol Ousmane Sonko e protocole resmiijo. Kono ndee tuumaare tabitinaaka tawo.
Ŋakkere invitation resmiijo yedditaama
E ko Cheikh Bara Ndiaye holli, alaa invitation resmiijo mo neldanaa Ousmane Sonko, mo o inniri président Assemblée nationale.
Depitee oo yeddii haalaaji ɗi mbiyata wonde ko Comité d'organisation des JOJ (COJOJ) ɗowata invitationji.
E miijo mum, ko Présidence de la République jogii jaabawol protocole resmiijo, ɗoon e jaɓɓugol hooreeɓe leydi e janane, heblaade tribuneji e ceerndugol nokkuuje jooɗorgol.
Tuumaaji yeddondiral politik
E ɓataake mum, Cheikh Bara Ndiaye hollii wonde ndee ngonka ena waawi wonde anniya politik ngam seerndude Ousmane Sonko e sirla ndee.
O tuumii kadi hooreejo leydi e yiɗde haɗde Ousmane Sonko ngam o waasa ɓurde mo heɓde hakkille yimɓe e ndee sirla.
Kono ɗee haalaaji ko miijo depitee oo tan, tawa o hollaani seedeeji resmiiji ngam tabitinde tuumaaji mum.
Noddingol ngam teddinde instituusioŋaji
Ɓaawo tuumaaji mum, Cheikh Bara Ndiaye teeŋtinii nafoore reengol sarɗiiji République e waɗde instituusioŋaji yeeso nafoore yimɓe.
O wi'i : « Kono République foti wonde yeeso menen fof. »
O siftinii kadi haala Ndiaga Mbaye : « Soul kérr douko téré fégn ».
Ndee deklarasioŋ ari e sahaa yeddondiral politik e dow protocole JOJ Dakar 2026. Haa jooni, alaa jaabawol resmiijo mo humpitaama e Présidence walla COJOJ e dow tuumaaji depitee oo.
Fouta TV - L'information au service des citoyens.
