
Caggal JOJ Dakar 2026 : Senegaal ena hebla porogaraam ngam rewindaade sukaaɓe atletɓe mum
Caggal foolaaji ɗi atletɓe Senegaal keɓi e Jeux olympiques de la jeunesse (JOJ) Dakar 2026, ministère des Sports et de la Jeunesse ena yiɗi jokkude wallugol maɓɓe. E émission « En Vérité » e Radio Sénégal, ministre Djireye Clotilde Coly humpitii heblaade porogaraam suivi ngam wallude sukaaɓe atletɓe yeesoɓtude e compétitionaji internasional arooji.
Reende njaltudi JOJ Dakar 2026
E ko bilan ministre oo holli, Senegaal heɓii nokku jeegomaɓo e classement medaayaji. O sikki wonde ɗee foolaaji njowitii e heblaade moƴƴol atletɓe e toppitaade maɓɓe no fotiri.
Djireye Clotilde Coly yettii kadi yimɓe Senegaal ngam wallugol e semmbingol atletɓe, tawa o sikki wonde ɗum wallii mawɗum e njaltudi ɗi keɓaa.
E miijo ministre oo, faandaare jooni ko wallude sukaaɓe atletɓe ngam ɓe njokku yeesoɓtude hay caggal JOJ ɗi mbaɗaa e leydi maɓɓe.
Toppitaade kala atlet rewde e soklaaji mum
Ministère oo ena eɓɓa tuggude e programme de gestion des élites ngam jokkude heblaade atletɓe e wallude ɓe heɓde fartaŋkeji compétitionaji arooji, ɓurɗum Jeux olympiques de Los Angeles.
Djireye Clotilde Coly haalii kadi e dow waɗde suivi keeriiɗo ngam kala atlet, tawa soklaaji e faandaaji sport mum ena ƴeewtee.
Ndee feere ena faandii semmbinde foolaaji ɗi keɓaa e JOJ e waɗde formation atletɓe wonde porogaraam mo sahaa mum juuti.
Kono, sarɗiiji e no ndee porogaraam wallugol waɗirtee humpitinaaka tawo.
Fouta TV - L'information au service des citoyens.





