États-Unis : Senegaaljo Modou Ngom ñaawaama duuɓi 22 e lebbi jeegom e kaso caggal aksidaaŋ mo yimɓe tato maayi
Senegaaljo Modou Ngom ñaawaama duuɓi 22 e lebbi jeegom e kaso, e tribunal comté Delaware, e États-Unis. Ñaawirdu tabitinii tuumaare mum e warugol yimɓe e sahaa ɗowgol oto, caggal aksidaaŋ mo yimɓe tato jeyaaɓe e galle gooto maayi.
Aksidaaŋ mettuɗo e autoroute I-71
Ndee haala fuɗɗii e aksidaaŋ mawɗo mo otoji keewɗi kawri e autoroute I-71, ɗum addi maayde yimɓe tato jeyaaɓe e musiɓɓe gooto.
Caggal ñaawugol mum e yeeso jury populaire, Modou Ngom yiytaama ko mo jogii tuumaare homicide aggravé au volant ñalawma 25 septembre 2026.
Ndee ñaawoore udditii laawol ngam ñaawirdu suɓa limgal duuɓi kaso ɗi o foti waɗde.
Ñaawirdu jaɓii lefol kaso ngal procureur ɗaɓɓitii
E sahaa ɗaɓɓitaare sakkitiinde, ministère public ɗaɓɓitinoo yo Modou Ngom ñaawire duuɓi 22 e lebbi jeegom e kaso.
Debbo ñaawoowo mo ɗowi dossier ngal jaɓii ɗaɓɓitaare procureur, tee o hokkii ñaawoore kaso nde ɗaɓɓitanoo.
Ndee ñaawoore wonii darnde mawnde e dossier sara'a ngal, mo yoga e hakkunde Senegaalɓe hoɗɓe États-Unis njokki e hakkille mawɗe.
Fouta TV - L'information au service des citoyens.
