Podor : Janngowo debbo yiytaama maayɗo, juuɗe e koyɗe mum kaɓɓaa e nder saak e kartiye Lao Demba

Yiytugol ɓandu mum umminii heewɗam e Lao Demba

E ko humpitooji aranɗi kolli, ɓadiiɓe Aminata Sy ɗaɓɓatnoo mo gila ñalawma ɓennunde.

Ɓandu mum ena sikkitaa wonde yiytaama tawa o kaɓɓaama, o waɗaa e nder saak mo accaa caggal galle mo yimɓe hoɗataa.

Ndee tampere umminii naawngol e heewɗam mawngam e hakkunde hoɗɓe Podor e janngooɓe e jannginooɓe lycée El Hadji Baba Ndiongue.

Caggal nde kabaru oo humpitaama, gendaarɓe e sapeur-pompierɓe ngarii e nokku mum ngam waɗde ƴeewtagol aranɗol.

Ɓandu Aminata Sy yahdinaama caggal ɗum e morgue centre de santé Podor.

Ƴeewtagol sara'a udditaama ngam laaɓtinde maayde ndee

Brigade de gendarmerie Podor udditii ƴeewtagol sara'a ngam anndude no janngowo debbo oo maayiri.

Ƴeewtagol ngal maa ɗaɓɓu anndude ko addi maayde ndee e yiytude yimɓe ɓe mbaawi jogde jaabawol.

Haa jooni, alaa humpitooji resmiiji ɗi tabitini no Aminata Sy maayiri. Ƴeewtagol ngal ena jokka.

Ndee tampere naatnii Podor e musidal lycée El Hadji Baba Ndiongue e heewɗam mawngam. Yimɓe ena ndeena njaltudi ƴeewtagol ngam goonga ndee haala fof laaɓta.

FOUTA TV | Kabaruuji Podor e caɗeele renndo