Senegaal-Allemagne : Gollondiral ekonomi, enerji e kisal ena foti ɓeydeede
Senegaal e Allemagne tabitinii anniya maɓɓe ngam semmbinde gollondiral e fannuuji mawɗi. E sahaa juulde fête de l'Unité allemande e Dakar, teeltaaɓe leɗɗe ɗiɗi ɗee haaltii e dow yeesoɓtere gollondiral ekonomi, enerji, cellal, kisal e aadaaji.
Ekonomi e enerji e hakkunde gollondiral
Minis Télécommunications et du Numérique, Samba Diouf, mo teeltinoo gouvernement Senegaal, hollii nafoore ganndal industrie e teknolosi Allemagne e baylugol ekonomi Senegaal.
Senegaal ena yiɗi heɓde investismaaji ɗi mbaawi sosde golle moƴƴe, semmbinde waylugol jawdi leydi e ɓeydude doole entrepriseji mum.
Baylugol fannu enerji ko kadi gooto e faandaaji mawɗi, ɓurɗum e enerjiiji kesɗitotooɗi, huutoraade enerji e laawol moƴƴol e siirtugol ganndal.
Cellal, kisal e formation e nder gollondiral
Leɗɗe ɗiɗi ɗee ena ngiɗi semmbinde gollondiral e waɗde lekkiiji e vaksenji, ɗaɓɓitagol ganndal cellal e ɓeydude doole sarwiisji cellal.
E fannu kisal, Samba Diouf teeŋtinii wonde gollondiral hakkunde soldaarɓe e doole kisal foti yahdude e investismaaji e janngugol, formation professionnelle e naatnugol kala yimɓe e yeesoɓtere renndo.
Berlin noddii investismaaji e Senegaal
Ambasadeer Allemagne, Kai Baldow, tabitinii ballal leydi mum e yeesoɓtere ekonomi Senegaal, rewde e entrepriseji Allemagne, gollondiral teknikal e instituusioŋaji finans no GIZ e KfW.
O teeŋtinii kadi nafoore laaɓal e nder ekonomi ngam ɓeydude investismaaji.
O humpitii wonde sukaaɓe sport Allemagne 50 maa njeyaa e Jeux olympiques de la jeunesse Dakar 2026, ɗum holli nafoore sport e aadaaji e jokkondiral leɗɗe ɗiɗi ɗee.
Ndee gollondiral kesɗitinaangal hollii anniya Dakar e Berlin ngam mahde jokkondiral juutngal, tuggaangal e investismaaji, kesɗitinal teknolosi e ɓeydude ɓadondiral hakkunde yimɓe leɗɗe ɗiɗi ɗee.
Fouta TV - L'information au service des citoyens.
