Affaire Mbayang Diop : Boubacar Sèye yeddii haɗugol dental jam e Dakar
Dental ngal heblaanoo waɗeede ñalawma asewe 24 octobre 2026 e Dakar, ngam ɗaɓɓitde yaafuye laamɗo ngam Mbayang Diop, haɗaama e préfet Dakar. Boubacar Sèye, konngolowo collectif mo hebliinoo dental ngal, hollii naawngol mum e dow ndee cuɓaande laamu, tee o tabitinii wonde ɓe maa njokku ɗaɓɓitaaje jam ngam heɓde yaafuye.
Haɗugol dental ngal umminii naawngol
E deklarasioŋ mum, Boubacar Sèye hollii wonde ɓe jaɓii anndude cuɓaande préfet, kono ndee cuɓaande haawnii ɓe.
O wi'i : « Dental ngal haɗaama, min jaɓii ɗum… taarikh maa siftor. »
E ko o holli, faandaare dental ngal ko renndinde yimɓe ngam hollude yurmeende, wallondiral e ɗaminaare ngam Mbayang Diop.
O tabitinii wonde heblooɓe dental ngal ngalaa anniya yeddude hooreeɓe laamu walla umminde fitinaaji.
Collectif ngal ena jokka ɗaɓɓitde yaafuye laamɗo
Hay so dental ngal haɗaama, Boubacar Sèye hollii wonde collectif ngal maa jokkude ɗaɓɓitaaje mum e hooreeɓe ɓe njogii bawgal.
O ɓuri suɓaade haaldondiral, diplomasi e mobilisasioŋ jam, ngam anndinde yimɓe ngonka Mbayang Diop.
O teeŋtinii : « Min njokkii teddinde instituusioŋaji laamu. Ɗaɓɓitaare amen ngam heɓde yaafuye laamɗo ngam Mbayang Diop ena heddii no woniri. »
Collectif ngal tabitinii wallondiral mum e Mbayang Diop e musidal mum. Hay so dental ngal haɗaama, fedde ndee ena jokka noddude hooreeɓe ngam ɓe ƴeewto ɗaɓɓitaare yaafuye e laawol jam.
FOUTA TV | Kabaruuji renndo e hakkeeji neɗɗaaku
