Affaire Keylor : Parquet ɓeydii tuumaaji kese e dow influenceur mo waɗaa e kaso
Sosowo kabaruuji Senegaal, Papa Saliou Ciss, mo ɓe ɓuri anndude e innde « Keylor », waɗaama e kaso caggal nde Sûreté urbaine Dakar yahdini mo yeeso parquet. E ko jurnaal Libération humpitiri, parquet ɓeydii tuumaare siirtingol kabaruuji fewre e dow tuumaaji ɗi adinoo waɗaneede mo. Ñaawoore mum heblaama ñalawma alarba 28 octobre 2026.
Parquet ɓeydii tuumaaji kese
Papa Saliou Ciss, mo duuɓi 30, ena tuumaa jooni e bonnugol daraja yimɓe, mooɓugol humpitooji keeriiɗi yimɓe tawa sariya yamiraani, incitation à la discrimination raciale, noddingol ngam ngayngu e siirtingol kabaruuji fewre.
E ko humpitooji ɗi njalti kolli, waɗugol mum e mandat de dépôt ari caggal naamnugolji keewɗi ɗi ƴeewtooɓe Sûreté urbaine waɗani mo.
Plainte ngal fuɗɗini dossier ngal
Ndee haala fuɗɗii caggal plainte ngal El Hadji Boubacar Ba, hooreejo Fédération nationale des boutiquiers pour la modernisation (FNBM), waɗi.
Fedde ndee tuumii influenceur oo e woɓɓe kabaruuji e haalaaji ɗi o siirtini e reseauji sosiyo.
Tuumaaji ɗi mbaɗanaa mo maa ƴeewtee e sahaa ñaawoore mum.
Ñaawoore heblaama 28 octobre
Papa Saliou Ciss « Keylor » maa waɗee yeeso ñaawirdu ñalawma alarba 28 octobre 2026. Waɗugol mum e kaso hade ñaawoore wonaa tabitinal bonannde. O ena heddii e hakke jogoreede ko mo alaa bonannde haa nde ñaawirdu tabitini ɗum.
FOUTA TV | Kabaruuji sara'a e renndo
